Францускиот интернационалец Жул Кунде нема никакви дилеми дека ќе го одбере Реал Мадрид како своја следна дестинација доколку „кралевите“ и официјално испратат понуда до Севилја за негов ангажман. За одличниот дефанзивец се интересираат и Манчестер Јунајтед и Јувентус, но Жул Кунде јасно ставил до знаење на своите агенти дека Реал Мадрид е приоритетна опција за продолжување на кариерата.
Шпанските медиуми најавуваат дека Флорентино Перез оваа седмица ќе испрати понуда вредна 50 милиони евра за ангажман на одличниот стопер на Севилја. Тоа треба да биде доволно за раководството на клубот од Андалузија да влезе во завршни преговори за продажба на фудбалерот. Минатата година Севилја бараше 65 милиони евра од Манчестер Јунајтед за негов трансфер.
Жул Кунде има актуелен договор со Севилја до 30 јуни 2024 година.
