Фудбалерот за врска на Полска и член на Погон Шчечин, Каспер Козловски, го надмина рекордот што го постави англискиот репрезентативец Џуд Белингем само шест дена порано (17 години и 349 дена) за најмлад фудбалер кој се појавил на европските првенства. На синоќешниот меч тој настапи и стана најмлад фудбалер во историјата на ЕВРО.
Козловски го замени Матеуш Клич на средината на второто полувреме против Шпанија. Рекордот претходно го држеа холандскиот репрезентативец Џетро Вилемс (18 години и 71 ден, 2012 година) и Енцо Шифо (18 години и 115 дена, 1984 година).
