Европското првенство започнува утре со натпревар меѓу Италија и Турција, а според обложувалниците прв фаворит за титулата е светскиот шампион Франција.
Коефициентот Франција да ја освои титулата е 5,00, по што следат Англија и Белгија. Поранешните англиски фудбалери Рио Фердинанд, Алан Ширер и Гери Линекер се убедени дека Французите ќе станат и европски шампиони.
„Франција победува. Тие имаат талентирани играчи на сите позиции”, изјави Ширер за „Би-Би-Си“, а Фердинанд се согласи.
„Французите имаат најширок и најквалитетен тим, затоа тие ми се омилени.
Слично размислува и Линекер.
„Тешко е да се именува некој друг … Французите го загубија финалето пред пет години, а потоа го освоија Светското првенство и го вратија Карим Бензема. Тие се уште напредуваат, имаат многу млади одлични играчи и се омилени“, изјави Линекер.
