Македонскиот репрезентативец Енис Барди и по десет дена во изолација се уште е позитивен на Ковид-19. И денешниот ПЦР – тест покажа дека Барди се уште има знаци на коронавирусот во организмот иако нема никакви симптоми.
Според протоколот на УЕФА, Барди ја заврши десетдневната изолација и ќе може да почне со индивидуални тренинзи под строг надзор. Сепак, не смее да им се приклучи на соиграчите и ќе остане изолиран се додека не добие негативен ПЦР – тест.
Македонската фудбалска репрезентација на 8 јуни патува за Букурешт и сите се надеваат дека дотогаш ќе успее да добие негативен тест на коронавирусот.
