Цело е кога има се. Денеска доаѓа и Столе Димитриевски по обврските со Рајо Ваљекано, а капитенот Горан Пандев и Аријан Адеми, кои добија продолжен одмор, веќе се во стројот. Сите го очекуваат и приклучувањето на Енис Барди, кој се покажа позитивен на коронавирус по доаѓањето од Шпанија.
„Барди се чувствува одлично и тоа ме радува. Сите со нетрпение го очекуваме да ни се приклучи. Искрено се надевам дека тоа ќе биде во следните денови и дека ќе го имаме на располагање за Букурешт“, изјави селекторот Игор Ангеловски за здравствената состојба на македонскиот репрезентативец.
