Англискиот премиерлигаш Манчестер Јунајтед го загуби финалето во Лигата на Европа, но тоа нема да го поколеба раководството на клубот да го задржи менаџерот Оле Гунар Солскјер уште долго на „Олд Трафорд“. Информациите од Островот велат дека „црвените ѓаволи“ му нудат нов тригодишен договор на Оле Гунар Солскјер и покрај тоа што не успеа да освои трофеј.
Сепак, проценките се дека норвешкиот стратег значително ги подобрил перформансите на тимот и дека се очекува вистинските резултати да дојдат во наредните две сезони. Манчестер Јунајтед сака Солскјер да продолжи со започнатиот проект, а во летниот преоден рок ќе добие и значителен буџет за да доведе неколку нови засилувања на „Олд Трафорд“.
