Баерн Минхен е сериозно заиинтересиран за одбранбениот фудбалер на Реал Мадрид, Едер Милитао, пренесуваат германските медиуми. Баварците во Бразилецот ја гледаат замената за Давид Алаба, кој од јули треба да се пресели токму во „кралскиот клуб“.
Милитао блесна во вториот дел од сезоната во дресот на Реал Мадрид, посебно во периодот кога беше повреден капитенот Серхио Рамос. Се очекува наскоро Баерн Минхен да испрати и официјална понуда за дефанзивецот.
