Шпанскиот играч за врска Хави Мартинез го напушта актуелниот германски првак Баерн Минхен на крајот од сезоната, откако двете страни не најдоа заеднички јазик за продолжување на договорот. Мартинез дојде во Баерн Минхен во 2012 година од редовите на Атлетик Билбао за 40 милиони евра, што тогаш беше рекордна отштета што ја исплатил баварскиот клуб.
За девет сезони во дресот на Баерн, 32-годишниот Мартинез одигра 266 натпревари и постигна 14 голови. Со германскиот клуб освои вкупно 23 трофеи, меѓу кои и две титули во Лигата на шампиони.
Покрај Мартинез, германскиот клуб ова лето треба да го напуштат и дефанзивците Давид Алаба и Џером Боатенг.
