Шпанскиот гигант Реал Мадрид ќе успее да го задржи Лукас Васкез и следните три сезони. Иако имаше најави дека тој ќе го напушти клубот, сепак, претседателот Флорентино Перез му понуди многу подобри услови од претходните и Васкез е подготвен да стави потпис на нов договор.
Реал Мадрид на Лукас Васкез му нуди тригодишен договор и годишна плата од 5 милиони евра. Тоа се услови под кои фудбалерот би останал во Мадрид.
Лукас Васкез одигра клучна улога на десната бековска позиција оваа сезона при отсуството на Дани Карвахал, но и тој сериозно се повреди и сега Алваро Одриозола е единствената опција на Зинедин Зидан.
