Англиските клубови се повлекоа, шпанските и италијанските субјекти засега не можат сами да ги реализираат целите. Европската Суперлига официјално оди во мирување откако раководството испрати соопштение до јавноста.
„Европската Суперлига е убедена дека моменталната статус кво ситуација на европскиот фудбал треба да се промени. Ние предлагаме ново европско натпреварување затоа што постоечкиот систем не функционира. Нашиот предлог е насочен кон овозможување на развој на фудбалот при генерирање ресурси и стабилност за целата фудбалска пирамида, вклучително и помагање во надминување на финансиските тешкотии што ги доживеа целата фудбалска заедница како резултат на пандемијата.
Исто така, ќе се обезбедат материјално зголемени исплати на солидарност на сите заинтересирани страни во фудбалот. И покрај најавеното заминување на англиските клубови, принудени да донесат такви одлуки поради огромниот притисок кон нив, убедени сме дека нашиот предлог е целосно усогласен со европските закони и регулативи, како што беше докажано со судска одлука за заштита на Суперлигата од трета страна.
Со оглед на моменталните околности, ќе ги преиспитаме најсоодветните чекори за преобликување на проектот, секогаш имајќи ги предвид нашите цели да им понудиме на навивачите најдобро искуство, а истовремено да ги зајакнеме плаќањата за солидарност за целата фудбалска заедница“, се вели во соопштението од Суперлигата.
