Александар Трајковски во тимот на колото во квалификациите за СП

Александар Трајковски доби шанса да биде стартер на мечот против Лихтенштајн и ја искористи на најдобар можен начин. Постигна два гола, одигра одличен натпревар и заслужено се најде во тимот на колото, според „Sofascore“, за втората рунда од квалификациите за СП 2022 во Катар.

Трајковски погоди двапати во период од три минути на стартот на вториот дел и практично ги разреши сите дилеми околу победникот, најавувајќи и голеада во мрежата на Лихтенштајн. Тој го надмина Ѓорѓи Христов на вечната листа на најдобри стрелци во историјата на македонскиот национален тим и сега се наоѓа на второто место зад Горан Пандев.

Македонскиот репрезентативец има четврта најдобра оценка во тимот на најдобрите 11.