Напаѓачот на Баерн Минхен, Максим Чупо – Мотинг не го доби очекуваниот повик за настап во репрезентацијата на Камерун. Тоа се случило на неверојатно бизарен начин.
Администрацијата на Фудбалската федерација на Камерун им испратила покана преку мејл на сите фудбалери, но не и на Чупо – Мотинг. Германскиот „Билд“ открива дека Камерунците си испратиле мејл сами на себе, а не на Баерн Минхен. Поради ова, Максим Чупо – Мотинг нема да биде дел од националниот тим на Камерун во претстојните квалификации за Купот на африкански нации.
