Горан Пандев го постигна 98. гол во Серија А и одигра одлично околу 70 минути во тимот на Џенова кој ремизираше 1-1 на домашен терен против Удинезе. Илија Несторовски влезе во финишот и мина на теренот десетина минути, а клубовите на македонските репрезентативци поделија по еден бод.
Пандев во осмата минута фантастично се снајде во шеснаесетникот на гостите и со удар од свртување ја погоди мрежата на Удинезе. Израмни Родриго де Пол од пенал во 30.минута од дуелот.
