Италијанскиот првак Јувентус се мачеше и на гостувањето против Специја се додека во игра не влезе Кристијано Роналдо. По неговото влегување на теренот, три гола за Јуве, два од нив дело на Роналдо и убедлив триумф од 1-4.
Мората го постигна првиот гол за „старата дама“, Специја израмни пред полувремето со голот на Побега, а во листата на стрелците се запиша и Адриен Рабио.
„Со Роналдо секако е поинаку. Тој е врвен голгетер, лидер на теренот, многу ни недостигаше. Со него сега Јувентус е многу поинаков тим“, изјави Пирло.
