Италијанскиот калчолигаш Интер одлучи да го стави на продажба данскиот репрезентативец Кристијан Ериксен. Иако дојде како големо засилување за средниот ред од Тотенхем, сепак, тој не се вклопува во плановите на тренерот Антонио Конте. „Нероаѕурите“ се подготвени да го продадат веќе во зимскиот преоден рок.
Конте многу повеќе сака да игра со Галјардини и со Видал како дефанзивни играчи за врска, тука се и Марсело Брозовиќ и Николо Барела, а во нападот се потпира на играчи на крилните позиции кои треба да го опслужуваат Ромелу Лукаку. Во една ваква поставеност, нема многу простор за Кристијан Ериксен.
Интер е подготвен да го продаде за само 20 милиони евра, но ќе спаси дел од буџетот за плати, со оглед дека Данецот заработува 10 милиони евра по сезона.
