Интер стигна до четвртата последовна победа во Серија А и се искачи на втората позиција на табелата со 24 бода, откако со пресврт го совлада Калјари на гости со 1-3. Тимот на Антонио Конте имаше негатива по првиот дел, но со три гола во второто полувреме дојде до нови три бода.
Рикардо Сотил ги изненади „нероаѕурите“ во 42.минута и долго се мачеше на Сардинија. Но, Николо Барела успеа да израмни во 77.минута, Данило Д’Амбросио донесе пресврт во 84.минута, а Лаутаро Мартинез во судиското продолжение го потврди триумфот на Интер.
