Хрватскиот интернационалец Иван Перишиќ нема да остане на „Џузепе Меаца“ во вториот дел од сезоната. Тренерот Антонио Конте планира да го испрати на нова позајмица, а засега е најблиску до заминување во Премиер – лигата. За него се интересираат Фулам, Саутемптон и Кристал Палас, но исто така постои можност и за размена со капитенот на Аталанта, Папу Гомез.
Перишиќ минатата сезона ја одигра одлично во Баерн Минхен, освои тројна круна со баварскиот клуб, но потоа се врати во Интер и повторно не се снајде. Одигра досега 11 натпревари во дресот на „нероаѕурите“ оваа сезона, најчесто влегувајќи од клупата за резерви.
