Белгискиот интернационалец Кевин де Бруин е подготвен да остане уште цели пет сезони во дресот на Манчестер Сити. Тој преговара со раководството на „граѓаните“ за надградување на постоечкиот договор по што би ставил потпис на верност до 2025 година.
Де Бруин има договор до 2023 година, но Пеп Гвардиола во него гледа долгорочен лидер на тимот и сака да го убеди да ја продолжи верноста до 2025 година. Одличниот играч за врска е еден од најбараните на трансфер-маркетот, но нема намера да го напушта Манчестер Сити. Само детали недостигаат за соработката да биде надградена и продолжена за цели пет сезони.
