Арсенал е во слободен пад, резултатите на „топчиите“ се очајни, но Пеп Гвардиола и понатаму тврди дека Микел Артета е одличен менаџер и клубот треба да му даде шанса да направи позитивен пресврт. „Граѓаните“ синоќа го декласираа Арсенал (1-4) во Лига купот на Англија.
„Ќе направат голема грешка ако му дадат отказ. Но, сигурен сум дека тоа нема да се случи и дека имаат доверба во неговите квалитети“, изјави Пеп Гвардиола.
Артета три и пол години му беше асистент на Гвардиола во Манчестер Сити, а пред една година го презеде самостојно Арсенал. Го освои ФА купот на Англија, но стартот на оваа сезона е ужасен на резултатски план.
