Обвинителството на БиХ подигна обвинение по предмет наречен „ВАР“ за местење на фудбалски натпревари. Обвинението е подигнато за организиран криминал, примање мито и други облици на корист.
Најавено е дека во постапката на обвинетите ќе им бидат запленети незаконски стекнатите имоти, како и барање за забрана на извршување на должноста во фудбалот во БиХ во траење од пет години.
Обвинети се Владимир Доминковиќ, како лице одговорно во Фудбалската федерација на БиХ и претседател на Комисијата за судење, Илија Живковиќ, одговорно лице во Фудбалската федерација на БиХ и фудбалски судија, како и Кенан Бајрактаревиќ, одговорно лице во Фудбалската федерација на БиХ и фудбалски судија.
