Англискиот премиерлигаш Манчестер Сити тргнува во офанзива по талентот на Барселона, Рики Пуиг. Менаџерот Пеп Гвардиола сака да го доведе талентираниот играч за врска на „Етихад“ и му нуди речиси двојно поголема плата од Барселона. 21-годишниот фудбалер од следната седмица ќе може и официјално да преговара со други клубови со оглед дека договорот му истекува на крајот од сезоната.
Покрај Манчестер Сити, во игра за потписот на Рики Пуиг се наметнува и европскиот првак Баерн Минхен. Младиот фудбалер е се подалеку од останување на „Камп Ноу“ и поради фактот дека тренерот Роналд Куман и не му дава голема минутажа во последниот период.
