Чилеанскиот интернационалец Алексис Санчез се опорави од повредата на мускулот која го отстрани од терените на изминатите три натпревари. Според информациите од таборот на Интер, тој се вратил на тренинзите и ќе конкурира за тимот за првиот меч од 2021 година, дуелот против Кротоне на „Џузепе Меаца“.
Санчез поради непријатната повреда ги пропушти мечевите против Наполи, Специја и против Верона.
Интер по 14 кола во Серија А се наоѓа на втората позиција со 33 бода, само еден помалку од лидерот Милан.
