Италијанскиот првак Јувентус се соочува со дополнителни проблеми со Ковид-19. По левиот бек Алекс Сандро и десниот бек Хуан Квадрадо, клубот објави дека позитивен е и одбранбениот фудбалер Матијс де Лихт. Ова е нов голем проблем за Андреа Пирло, со оглед дека останува без трет дефанзивец во одбранбениот ред.
Де Лихт беше дел од дербито против Милан, но веднаш по него холандскиот репрезентативец излезе позитивен на коронавирус. Тој е во изолација и ќе го пропушти градското дерби против Интер на 17 јануари. Најверојатно нема да биде дел од тимот на Јуве и на пресметките со Сасуоло и со Џенова во Купот.
