Пабло Мачин замина од тренерската функција во Алавес. Причината за оставката беа лошите резултати на тимот. Алавес на последните пет натпревари има ефект од само една победа, реми и три порази, а се наоѓа на 16. позиција на табелата во Ла Лига.
Алавес објави дека Хавиер Кабељо, првиот асистент на Мачин, ќе ја извршува функцијата главен тренер до донесување на друга одлука.
Пабло Мачин од 2014 до 2018 беше тренер на Џирона, потоа ја презеде Севилја, а пред Алавес мина кус период и на клупата на кинескиот клуб Џингдао.
