Барселона на драматичен начин се пласира во полуфиналето на Купот на Шпанија откако по продолженија ја совлада Гранада на гости со 3-5. Но, каталонскиот гигант во регуларниот дел имаше негатива од 2-0 и се извлече буквално во финишот со головите на Антоан Гризман во 88.минута и на Жорди Алба во 90.минута.
Претходно, Гранада имаше предност со головите на Кенеди и на Роберо Солдадо.
Интересно беше и во продолженијата. Гризман погоди за 2-3, но само три минути подоцна Федерико од пенал израмни. Конечната победа ја донесоа Френки де Јонг со голот во 108.минута и Жорди Алба кој постигна петти погодок за Барселона во 113.минута.
