Македонската репрезентација до 17 години ремизираше без голови против соодветната селекција на Србија на првиот пријателски натпревар меѓу двете селекции одигран на тренинг центарот „Петар Милошевски“ во Скопје.
Во натпревар без многу возбудувања, најдобрата можност македонската селекција предоводена од Драган Канатларовски ја имаше во првото полувреме преку Ерион Шуку. Нашиот голман Стефан Тасев одбрани голема прилика за водечки гол на Србија во првите 45. минути.
Во второто полувреме, со многу замени во двата тима за одбележување се двете шанси за гостинските фудбалери, но среќата беше на страна на нашите млади фудбалери.
Вториот контролен меч меѓу селекциите на Македонија и Србија ќе го одиграат в четврток од 11:00 часот на тренинг центарот „Петар Милошевски“.
МАКЕДОНИЈА У- 17 : 1. Стефан Тасев, 2. Никола Павлески, 4. Бленд Зекири, 6. Матеј Ангелов, 7. Дашмир Елези, 10. Бесар Гуџуфи, 13. Христијан Поп Антовски (Марко Ристов 60`), 14. Мирче Стоилов (Марко Тренески 63), 15. Борјан Попоски (Енис Буки 60`), 16. Игор Јаневски, 19. Ерион Шуку; Селектор: Драган Канатларовски
Замени: Васко Василев, Марко Ристов, Енис Буки, Матеј Ѓоргуев, Левент Ибраим, Матеј Ѓурчиновски, Марко Тренески;
СРБИЈА У-17 : 12. Лазар Каличанин, 2. Дишан Ѓоровиќ, 3. Бранислав Миланов, 4. Стефан Лековиќ, 6. Урош Пауновиќ, 9. Давор Ракиќ, 10. Павле Огњановиќ, 15. Вања Апостоловски, 17. Андреј Стефановиќ, 20. Никола Маринковиќ; Селектор: Саша Илиќ
Замени: Премовиќ, Жакниќ, Васиќ, Ивановиќ, Гордиќ, Вукиќ, Маљукан, Лабан, Миладиновиќ;
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski