Силекс доби значајно засилување во нападот пред европските предизвици. 28-годишниот македонски напаѓач Мартин Мирчевски и официјално е нов член на кратовскиот клуб.
Клубот од Кратово вечерва го потврди трансферот, со надеж дека искуството на Мирчевски ќе биде клучно во квалификациите за Конференциската лига.
Мирчевски пристигнува од редовите на босанскиот прволигаш Железничар Сараево, каде што настапуваше минатата сезона. Сега се враќа во Македонија со јасна цел – да го засили офанзивниот потенцијал на Силекс на домашната и европската сцена.
