Атлетик Билбао продолжува со одличните настапи во Ла Лига, овојпат славејќи со 3-1 против Рајо Ваљекано на „Сан Мамеш“. Со оваа победа, баскискиот тим го зацврсти четвртото место на табелата и останува во трката за Лигата на шампионите.
Гостите поведоа во 37. минута преку Пате Сис, но домаќините одговорија силно во второто полувреме. Ојхан Санцет во 58. минута реализираше пенал за израмнување, а во 80. Нико Вилијамс блесна со прекрасен гол за водство на Билбао.
Победата ја запечати повторно Санцет, кој во 94. минута го постави конечниот резултат.
