Македонскиот репрезентативец Елиф Елмас игра одлично во дресот на Торино, постигна нов гол во Серија А, во ремито (1-1) против Верона.
Се играше 67. минута, кога Елмас доби топка во казнениот простор од Никола Влашиќ и одлично шитираше по земја за израмнување и финално реми.
Претходно, Торино имаше шанса да го отвори мечот од пенал во 62. минута, но Че Адамс промаши, а казната дојде со голот на Верона во 64. минута што го постигна Амин Сар.
Торино е десетти во Серија А со 40 бода, додека Верона се наоѓа на четиринаесеттото место со 31 бод.
Вториот дуел од Серија А меѓу Емполи и Калјари заврши без голови, 0-0.
