Тренерот на Пари Сен Жермен, Луис Енрике, беше видливо среќен откако неговиот тим официјално ја освои четвртата последовлна титула во Франција. Ова стана факт по победата од 1-0 против Анже во саботата, која го обезбеди трофејот за парижаните.
Стратегот беше среќен не само поради титулата, туку и затоа што успехот дојде на домашниот стадион „Паркот на принцовите“, пред верните навивачи на клубот, кои имаа можност да го прослават новиот успех.
„Оваа победа доаѓа по една сезона полна со тешкотии. Успеавме да донесеме голема радост на нашите навивачи. Имавме многу добри моменти во текот на сезоната, но благодарение на нивната поддршка, не престанавме да се движиме напред. Тешко е да се замисли подобро место од ‘Паркот на принцовите’ за да станеме шампиони”, изјави Луис Енрике.
Тој исто така истакна дека по проблематичната мината сезона, сите сфатиле дека мора да работат како тим и да се потпираат на своите силни страни, што веќе дава резултати.
„Најважно е што нашите навивачи се гордеат со нас и успеавме да ги израдуваме со нова титула”, додаде Шпанецот.
Луис Енрике не го криеше своето задоволство од работата со сегашните играчи и можноста да изгради успешен тим.
„Среќен сум што работам со овие момци и што создавам тим кој не само што игра добар фудбал, туку и освојува трофеи. Имам неверојатни играчи кои се целосно посветени на играта и тоа е навистина прекрасно”, посочи тој.
