Шкендија вчера ремизираше 1-1 против Вардар на стадионот на ФФМ во воведниот натпревар од 24.коло во Првата фудбалска лига, па нејзините конкуренти во трката за титулата тоа го гледаат како шанса да ја намалат негативата во однос на лидерот на денешните дуели.
Сите екипи од врвот на табелата гостуваат во денешното 24.коло.
Силекс оди на гости во Струмица и ќе се сретне со Брера, а тимот ќе биде без помошта на тренерот Александар Васоски на клупата поради црвениот картон што го доби на мечот со Вардар. Но, тоа не значи дека кратовци нема да атакуваат на трите бода.
Гостивар го очекува гостување во Кавадарци кај Тиквеш, а Работнички ќе игра против Воска Спорт во Охрид. Се очекуваат интересни пресметки, со оглед дека и на домаќините бодовите им се многу значајни во битката за опстанок.
Актуелниот шампион Струга Трим Лум исто така е гостин, ќе игра против Беса во Гостивар.
Шкупи на домашен терен ќе го пречека Пелистер.
ДВОЈКИ ПРВА ЛИГА, 24.КОЛО (денеска, 15 часот)
БРЕРА – СИЛЕКС
ВОСКА СПОРТ – РАБОТНИЧКИ
ТИКВЕШ – ГОСТИВАР
ШКУПИ – ПЕЛИСТЕР
БЕСА – СТРУГА ТЛ
ВЧЕРА: ВАРДАР – ШКЕНДИЈА 1-1
