Интер се пласира во полуфиналето на Купот на Италија откако на „Џузепе Меаца“ славеше против Лацио со 2-0. Тимот на Симоне Инзаги не одигра блескаво, меѓутоа покажа и повеќе од доволно квалитет за да го елиминира ривалот.
Инзаги заштеди дел од силите за следните битки, а Марко Арнаутовиќ ја искористи шансата и постигна фантастичен гол во 39.минута. Тој зафати волеј-удар од 20 метри и ја затресе мрежата на противникот.
Во 77.минута беше досуден пенал за Интер по прекршокот на Хоакин Кореа, а успешен реализатор беше Хакан Чалханоглу.
