Тренерот на Милан, Серџо Консеисао, зборуваше по поразот на неговиот тим со 1-2 од Торино.
„Се извинувам на навивачите што беа присутни на последните натпревари. Последните 12-15 примени голови се резултат главно на непредизвикани грешки. Не се работи за стратегија или тактичка поставеност, често се прашувам како воопшто е можно ова да се случи“, изјави Консеисао.
Ова беше втор разочарувачки резултат во низа за „росонерите“, кои испаднаа од Лигата на шампионите претходно оваа недела, не успевајќи да го победат холандскиот Феенорд во реваншот.
„Торино водеше со 1-0 на полувремето без ниту еден удар во рамките на голот, додека ние промашивме пенал и не искористивме уште неколку шанси. Вакви работи се случуваат, но мораме да станеме посилни како одговор на нив. Разбирам дека не е лесно за играчите кога најдобриот играч на Торино беше голманот, а ние имавме многу обиди да постигнеме гол“, додаде Консеисао.
Тренерот на Милан зборуваше и за една од измените што ја направи на полувремето.
„Леао не е во најдобра форма, има и други играчи и сите се важни. Сепак, сметам дека не треба да се фокусираме на измените или составот кога примаме два смешни гола како овие, бидејќи секој тим би страдал во такви околности“, истакна Консеисао.
На крајот, португалскиот стратег ја коментираше и реакцијата на навивачите, кои беа незадоволни по последниот судиски свиреж.
„Апсолутно се во право. Ние сме виновни што не победуваме, така што е природно очекувањата да бидат поголеми. Ние сме Милан и ги прифаќаме критиките заедно“, заврши Консеисао.
