Напаѓачот на Реал Мадрид, Килијан Мбапе, е избран за ‘играч на месецот’ во Ла Лига. Ова е негова прва ваква награда откако пристигна на „Сантијаго Бернабеу“.
Во јануари, Мбапе одигра три натпревари во првенството, постигнувајќи пет голови, вклучувајќи и хет-трик против Валјадолид. Францускиот напаѓач беше најдобар во конкуренција на Хуго Дуро (Валенсија), Кико Гарсија (Алавес), Луис Мила (Хетафе) и Доди Лукебакио (Севилја).
Во декември наградата ја освои Џуд Белингам, а во ноември најдобар беше Винисиус Жуниор, двајцата исто така од Реал Мадрид.
Од почетокот на сезоната, Мбапе има 19 настапи за Реал Мадрид, во кои постигнал вкупно 15 голови. Во моментов, „кралевите“ се лидери во Ла Лига.
