Вардар ги почна подготовките, од 18.јануари заминува во Анталија

Најтрофејниот македонски клуб Вардар денеска ги почна подготовките за пролетниот дел од сезоната.

Шефот на стручниот штаб Гоце Седлоски на располагање го има ростерот од 25 фудбалери, а во тек се преговори за уште три значајни засилувања, тврдат од ФК Вардар.

Подготовките на „црвено-црните“ ќе се одвиваат во два дела.

Вардар до 16. јануари ќе работи во сопствената база, а на 18. јануари тимот заминува на тринеделни подготовки во Анталија, Турција, каде ќе бидат одиграни шест пријателски натпревари.