Крилниот напаѓач Едиз Спахиу е нов фудбалер на Вардар. 23 – годишниот офанзивец доаѓа од редовите на Тиквеш, каде во изминатата полусезона постигна четири гола на 18 натпревари.
Минатата сезона со оваа екипа беше освојувач на Kупот на Македонија. Во ПМФЛ, Спахиу има одиграно вкупно 106 натпревaри на кои има постигнaто 23 голови.
Спахиу има настапувано и за екипата на Гостивар, како и за младиот тим на Шкендија. Тој е поранешен член на селекциите на Македонија до 19 и до 21 година.
