Хрватскиот стручњак Иван Јуриќ е фаворит за менаџерската позиција во англискиот премиерлигаш Саутемптон. Во моментов „светците“ се без постојан тренер, откако Рaсел Мартин доби отказ по слабите резултати со тимот.
Јуриќ последен пат го водеше италијанскиот гигант Рома, но беше отпуштен поради незадоволителни резултати.
Интересен факт е дека Иван Јуриќ досега бил тренер единствено на италијански тимови. Покрај Рома, тој ги водел и екипите на Мантова, Кротоне, Џенова, Верона и Торино.
Саутемптон се наоѓа во незавидна ситуација во Премиер – лигата. „Светците“ го заземаат последното место на табелата со само пет освоени бода.
