Напаѓачот на Баерн Минхен, Хари Кејн, веќе тренира со соиграчите откако беше отсутен две недели поради истегнување на мускулот и има шанси да биде на располагање за последниот натпревар на тимот оваа година против Лајпциг в петок.
Капитенот на англиската репрезентација го пропушти и поразот со 2-1 од Мајнц во саботата, што беше и првиот пораз на Баерн Минхен оваа сезона во Бундес-лигата.
Добра вест за Баерн е и враќањето на Алфонсо Дејвис, кој исто така се опоравуваше од слична повреда. Тој денес учествуваше во делови од тимските тренинзи, но останува неизвесен за натпреварот против Лајпциг.
