Барселона по три меча без победа во Ла Лига, имаше убедлив настап на гости кај Мајорка и славеше со 1-5. Каталонскиот тим сега повторно има четири бода предност во однос на Реал, но и два одиграни натпревари повеќе од најголемиот ривал.
Феран Торес во 12.минута обезбеди водство за Барселона, но израмни Ведат Муричи пред крајот на првиот дел.
Сепак, Барселона доминираше во вториот дел. По пеналот над Ламин Јамал, Бразилецот Рафиња погоди од белата точка за 1-2, потоа истиот фудбалер уште еднаш стрелаше, а до крајот во листата се запишаа и Френки де Јонг и Пау Виктор.
