Гостивар и Силекс одиграа реми без голови на стадионот „Борис Трајковски“ во Маџари, но се чини дека домашните можат незадоволни од судењето на овој натпревар. Во 24.минута, главниот судија Марјан Младеновски направи голем превид откако не досуди пенал за Гостивар.
По нафрлувањето на Дарко Глишиќ од левата страна, дефанзивецот на Силекс играше со рака во шеснаесетникот, во позиција кога раката апсолутно беше високо горе и го попречи летот на топката кон голот.
Сепак, Младеновски не покажа на белата точка, а Гостивар сигурно ќе има многу замерки за неговата арбитража.
