Одбранбениот играч на Реал Мадрид, Едер Милитао, успешно беше опериран поради скинати предни вкрстени лигаменти на десното колено, соопштија од клубот.
Интервенцијата ја изврши д-р Мануел Лејес под надзор на медицинскиот тим на „кралскиот“ клуб.
Милитао веднаш ќе започне со долгиот процес на рехабилитација, а не се очекува да биде подготвен за игра до крајот на сезоната.
26-годишниот фудбалер оваа сезона одигра 17 натпревари во сите натпреварувања и постигна еден гол.
