Француските клубови Пари Сен Жермен и Монако ќе се соочат во борба за Трофејот на шампионите на 5 јануари во Доха, Катар. Оваа одлука беше донесена од Административниот совет на Професионалната лига, откри францускиот весник „Л’Екип“.
Првично, натпреварот беше закажан за изминатото лето во Кина, но по неколку промени, одлучено е да се игра во Катар. Организацијата на овој меч ќе донесе околу 3 милиони евра приход за Професионалната лига, од кои дел ќе бидат распределени меѓу двата тима.
Интересно е што на истиот датум – 5 јануари 2025 година, беше предвиден меч меѓу Монако и ПСЖ во Лига 1. Тој натпревар ќе биде преместен и ќе се одигра на 18 декември оваа година.
