Напаѓачот на Ал-Наср и на португалската репрезентација, Кристијано Роналдо, ги критикуваше фудбалерите кои одбиваат да играат за националниот тим.
„Кога се приклучив на националниот тим на 18 години, тоа беше остварување на сонот. Дури и по освојувањето на толку многу трофеи, нема ништо поубаво од тоа да играш за репрезентацијата, да ја претставуваш својата земја, културата, пријателите, затоа сум разочаран од некои играчи кои не сакаат да играат за Португалија, ова чувство брзо им исчезнува“, изјави Роналдо.
39-годишниот напаѓач игра за португалскиот национален тим од 2003 година, а од 2008 година е капитен на тимот.
Во 215 натпревари за репрезентацијата, Роналдо има постигнато 133 гола, со што стана најдобар стрелец на тимот, и забележа 45 асистенции.
