Дефанзивецот на Баерн Минхен, Хироки Ито, мораше да замине на нова операција на метатарзалната коска на ногата, објавија од клубот. Интервенцијата поминала успешно.
25-годишниот фудбалер повторно ќе биде надвор од игра за неопределено време.
Ито сè уште не дебитирал во официјален натпревар за баварскиот клуб по трансферот во летниот преоден рок. Јапонецот доби фрактура на ногата за време на пријателски натпревар, а неодамна започна тренинзи со трчање.
Сè уште не е јасно колку време ќе му биде потребно на Хироки Ито за целосно опоравување.
