Младиот напаѓач на Баерн Минхен, Матис Тел, во јануари најверојатно ќе го напушти клубот. Според медиумите на Островот, интерес за Французинот покажува Нотингем Форест.
Изненадувањето на почетокот на сезоната во Премиер – лигата веќе побара информации за условите под кои би можел да го доведе Тел.
Вердер Бремен и уште неколку англиски клубови, покрај Нотингем, исто така ја следат ситуацијата околу младиот играч.
Во тековната сезона, Матис Тел има одиграно четири натпревари во Бундес-лигата, но сè уште нема постигнато гол.
Тел пристигна на „Алијанц Арена“ од Рен во 2022 година за околу 30 милиони евра.
