Европскиот првак Реал Мадрид планира да потпише со освојувачот на „Златната топка“ за 2024 година, играчот од средниот ред на Манчестер Сити, Родри, објавува „АС“.
Договорот на 28-годишниот Шпанец со англискиот тим е до летото 2027 година. Се тврди дека играчот ќе избира помеѓу продолжување на договорот со Сити и преминување во „кралскиот клуб“.
Според изворот, агентот на играчот Пабло Баркеро, кој исто така го претставува и познатиот поранешен напаѓач Раул Гонзалес и има блиски контакти со раководството на клубот, веќе добил понуда од Манчестер Сити за Родри. Сепак, Шпанецот, кој потекнува од Мадрид, многу ја сака идејата да се врати во родниот град и да се приклучи на еден од најсилните клубови во светот.
Реал Мадрид одби да испрати делегација во Париз за церемонијата за доделување на „Златната топка“ откако дозна дека добитник на наградата нема да биде Винисиус Жуниор, туку Родри.
Фудбалерот од средниот ред игра за Манчестер Сити од 2019 година, а вредноста на Родри во моментов се проценува на околу 130 милиони евра.
