Барселона го совлада Баерн Минхен со убедливи 4-1, предводена од брилијантниот Рафиња, кој носеше капитенската лента и постигна хет-трик. Тој го отвори резултатот уште во првата минута, кога излезе сам пред Нојер и ја смести топката во мрежата. Хари Кејн го израмни резултатот во 18. минута, но Левандовски и Рафиња постигнаа уште два гола пред крајот на првото полувреме. Рафиња го комплетираше својот хет-трик со гол во второто полувреме.
Ливерпул оствари минимална победа од 0-1 против Лајпциг, благодарение на голот на Дарвин Нуњез во 29-та минута. Елиф Елмас влезе во игра во 86. минута на местото на Хаидара.
Динамо Загреб триумфираше со 0-2 против Салцбург, со голови на Куленовиќ и Петковиќ, носејќи радост за Стефан Ристовски и Аријан Адеми. Токму Ристовски беше асистент на двата гола за Динамо Загреб.
Интер успеа да го совлада Јанг Бојс со 0-1 во судиското продолжение, благодарение на голот на Маркус Турам, откако Марко Арнаутовиќ промаши пенал на почетокот на второто полувреме.
Лил приреди изненадување победувајќи го Атлетико Мадрид на гости со 1-3, додека Феенорд со истиот резултат славеше над Бенфика во Лисабон.
Манчестер Сити лесно го совлада Спарта Прага со 5-0 на „Етихад“, а Ерлинг Халанд постигна два гола за „граѓаните“.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski