Младата ѕвезда на Барселона, Ламин Јамал, има истегнување на задната ложа, соопштија од клубот. Ова стана јасно откако офанзивниот фудбалер утрово ги поминал деталните медицински прегледи.
Враќањето на Јамал на теренот ќе зависи од брзината на неговото закрепнување.
Според медиумите во Шпанија, повредата на Ламин Јамал не е сериозна, а најверојатно ќе биде подготвен за претстојното Ел Класико на 26 октомври. Сигурно е дека тој нема да игра следниот викенд против Севилја.
Јамал ја доби повредата за време на победата на Шпанија над Данска (1-0) во Лигата на нации.
