Ливерпул е подготвен да започне преговори за продолжување на договорот на Вирџил ван Дајк, кој истекува во јуни следната година, пренесуваат англиските медиуми. Холандскиот дефанзивец побарал новиот договор да биде до 2027 година.
33-годишниот Ван Дајк е еден од најважните играчи во составот на Ливерпул и неслучајно ја носи капитенската лента. Тој пристигна на „Енфилд“ во јануари 2018 година од Саутемптон за 84 милиони евра, што го направи еден од најскапите дефанзивци во светот.
Ван Дајк досега има одиграно 276 натпревари, постигна 24 гола и забележа 12 асистенции за „црвените“.
