Натпреварот од првенството на Колумбија меѓу Атлетико Насионал и Хуниор де Баранкиља во Меделин е прекинат поради хулигански испади и голем број повредени лица на стадионот. Неколку лица се избодени со нож и се борат за живот откако дојде до хулигански пресметки на трибините, но и долу на теренот.
Мечот е прекинат во 60.минута, при водство на Атлетико Насионал од 2-0.
Ова е сведоштвото на фоторепортерот на весникот „Ел Тиемпо“, Хаивер Нието, кој за „Футболред“ раскажа како изгледале тие моменти на неизвесност и што точно се случило за време на тепачката меѓу навивачите на Атлетико Насионал и Хуниор де Баранкиља.
„Со вториот гол на Насионал, навивачите на Хуниор почнаа да ги напаѓаат навивачите на Насионал на северната трибина, и таму започнаа тепачките. Навивачите на Хуниор извадија ножеви, истото го направија и навивачите на Насионал, па почнаа да се напаѓаат со убоди. Одеднаш целата група на северната трибина на Насионал се упати кон навивачите на Хуниор и ги стиснаа во аголот каде што започнаа да се удираат со тупаници и ножеви. Некои навивачи почнаа да скокаат од вториот на првиот кат. Тие што успеаја да ги фатат, ги соблекуваа и ги без фрлаа облека на теренот сè додека не влегоа припадниците на ЕСМАД (Мобилната антибунтовничка ескадра)“, изјави фоторепортерот.
